कीलगुच्छः यदृच्छया निपातितः (Dropped keys by accident)

सोमवासरे मया मम कीलगुच्छः (कीलराशिः कीलपुञ्जः कीलौत्करः कीलकूटं कीलसमुच्चयः कीलसमाहारः कीलचयः कीलस्तवकः कीलस्तम्बः कीलगुच्छकः) यानविरामस्थले यदृच्छातः ऊरुकस्य पुटकात् निपातितः (अवकृष्टः निष्कासितः प्रणुत्तः)।
दिष्ट्या केनापि सः कीलगुच्छः दृष्टः। तेन प्राप्तनिपातितानि वस्तूनि इत्यस्मिन् कार्यालये सः गुच्छः निवर्तितः। मया मम कक्षे यानविरामस्थले पुस्तकालये अखिले कार्यभवने सर्वत्रापि कीलगुच्छस्य अन्वेषणं कृतं किन्तु न साफल्यं लब्धम्। अन्ते केनापि अहं निर्दिष्टः प्राप्तनिपातितानि वस्तूनि इति कार्यालये गतः कीलगुच्छः प्राप्तः च। अहो आनन्दः।

२०२०-०१-२२ बुधवासरः (2020-01-22 Wednesday)

मितप्रतिवादाः महाप्रश्नाः (Brief Answers to the Big Questions)

ह्योऽहं Brief Answers to the Big Questions, Stephen Hawking, Bantam Books, New York, 2018 इति नाम पुस्तकस्य पठनं समाप्नवम्।

पुस्तके दशानां प्रश्नानां उत्तराणि सन्ति। प्रश्नाः सन्ति – अपि ईश्वरोऽस्ति? कथमारम्भः? अपि अस्मिन् विश्वे कुत्रापि अन्यं चेतनजीवनमस्ति? अपि भविष्यज्ञानं सम्भवति? श्यामगर्भे किमस्ति (What is inside a black hole)? अपि त्रिकालभ्रमणं शक्यम्? अपि वयं पृथिव्यां सदैव भविष्यामः? अपि अन्तरिक्षयात्रा करणीया? अपि कृतकचेतना मानवचेतनामतिक्रमिष्यते? कथं भविष्यं कल्पनीयम्?

उत्तराणां चर्चा अनुवर्तिष्यते।

२०१९-१२-१७ मङ्गलवासरः (2019-12-17 Tuesday)

व्यवहारपरिवर्तनम् (Change in the behaviour)

गते बुधवासरे अस्माकं कार्यालये वह्निसमुद्यतायाः प्रशिक्षणमासीत् (fire drill). अहमस्माकं तलस्य वह्न्यधिकारी (floor fire warden) अस्मि। मम दायित्वमस्ति वह्निप्रबोधनं (fire alarm) श्रुते मम तले ये केऽपि सन्ति ते मया भवनस्य बहिर्नेतव्या इति।
अद्य प्रशिक्षणस्यानन्तरमेका सभासीत् यत्र सर्वेषां वह्न्यधिकारिणां प्रशिक्षणात् के केऽनुभवा आसन् इत्यस्य चर्चाभवत्।
सभायामेका सूची भ्रमति यस्मिन् वह्न्यधिकारीणां नामानि सन्ति। अस्माकं विभागस्यैका व्यवस्थाकर्मिणी (admin staff) अचिन्तयदियं सूच्येकया भारतीयया निर्मितेति। सूच्यां कर्मिण्या महिलाया नामनि वर्णदोषः (spelling mistake) आसीत्। सा भारतीयां महिलामकथयदहं रुष्टास्मि यतो हि मम नामनि वर्णदोषोऽस्ति इति। भारतीया प्रत्यभाषत् न मया इयं सूची कल्पिता इति। तच्छ्रुत्वा एको धवलवर्णो जनोऽवदत् सूची मया कल्पिता इति। व्यवस्थाकर्मिणी स्मित्वा हसन्ती तं प्रत्यभाषत् तदा तु भवतः कार्यं श्लाघनीयमेव यतो हि अवरतः (at least) मम नाम सूच्यां तु अस्ति इति। यदा कार्यं भारतीया करोति तदा रोषः किन्तु तदेव कार्यं यदा धवलवर्णो जनः करोति तदा प्रसन्नता। अहो व्यवहारपरिवर्तनम्।

२०१९-११-२२ शुक्रवासरः (2019-11-22 Friday)

विन्यस्तम् (Kept)

प्रणिहितमारोपितं न्यस्तं निक्षिप्तं स्थापितम्।
एकः शब्दः अन्वेष्टुमारब्धः नैके शब्दाः प्राप्ताः॥
मया पुस्तकं निधाये विन्यस्तम्। I kept one book on the shelf.
वैदूर्यकृतसोपानं किङ्किणीजालकं तथा।
दान्ततोरणविन्यस्तं वज्रस्फटिकवेदिकम्॥रामायणम् ७.१३.५॥।
Stairs made of lapises, nets made of bells, gates made of ivory and decked with crystals and diamonds.

२०१९-११-१५ शुक्रवासरः (2019-11-15 Friday)

ओस्ट्रेलीयाराष्ट्रीयो निर्माणसुविधः (Australian National Fabrication Facility)

ह्योऽहं मम शिष्याभ्यां सह अस्माकं विश्वविद्यालये सिडनीनगरे स्थितमोस्ट्रेलीयाराष्ट्रीयं निर्माणसुविधमगच्छम्। अस्मिन् निर्माणसुविधेऽब्जांशमितैः कणैर्यन्त्राणि निर्मीयन्ते। तत्र विश्वविद्यालययेरोनवर्येण सह मेलितुमगच्छम्। एरोनवर्यो मया सह अनयोः शिष्ययोर्विद्यावाचस्पति इति उपाधये शोधकार्यं निर्दिशति। एरोनवर्येण सह शोधकार्यस्य चर्चामप्यभवत्।

ANFFVisitUNSW13Nov2019
(L to R) HR Pota, Dr Aron Michael, Mamun, Muhammad Haq

२०१९-११-१४ गुरुवासरः (2019-11-14 Thursday)

प्रकारका विधा वा (Of the type)

पुरा of the type इत्यस्यानुवादे अहं काठिन्यमन्वभवम्। किन्तु केनापि विदुषाहं विज्ञापितः प्रकारक इति सरलोऽनुवादोऽस्त्यति।
तस्य कथनस्यान्यापि विधिरस्ति प्रकारका विधा इति।
सर्वविधम् – हर प्रकार से, of all types, एकविधम् द्विविधम् यथाविधम् इति शब्दाः अत्युपयोगिनः शब्दाः सन्ति।
चतुर्विधा भजन्ते मां जनाः सुकृतिनोऽर्जुन।गीता ७.१६॥
त्रिविधा भवति श्रद्धा देहिनां सा स्वभावजा॥गीता १७.२॥
अहं संस्कृत शिक्षणाय सर्वविधं प्रयते।
त्रिविधाः जनाः संस्कृतं शिक्षन्ते। एकविधाः सन्ति ये संस्कृतेन भारतस्य विषये ज्ञातुमिच्छन्ति। द्वितीयाः प्रकारकाः सन्ति ये संस्कृतसाहित्येषु रुचिं धारयन्ति। तृतीयाः विधाः सन्ति ये संस्कृतेन स्वस्मै कस्यापि मन्त्रस्य अन्वेषणं कुर्वन्ति।

२०१९-११-०९ शनिवासरः (2019-11-09 Saturday)

आरोहनपघनः (चढता पुर्जा Climbing Part)

आरोहन् निर्मलः पुर्जा ह्यः २९अक्टूबर२०१९तिथौ शीशपङ्गमा इति शिखरे आरूढे शिखरारोहणस्य कीर्तिमानमस्थापयत्। विश्वेषु यानि चतुर्दश पर्वतशिखाराणि सन्ति तेषामुपरि एकोननवत्यधिकशतानां दिवसानामन्तरेणैव स आरोहत्।
पश्यतु च –
https://www.abc.net.au/news/2019-06-02/unpacking-the-tragedy-on-mount-everest/11162770
हरिनारायणभट्टमहाभागाः सूचयन्ति शतम् शब्दस्य सुबन्तरूपाणि नपुंसकलिङ्गे सर्वासु विभक्तिषु सर्वेषु वचनेषु भवन्ति। शतेषु जायते शूरः।
शतम् शते शतानि
शतम् शते शतानि
शतेन शताभ्याम् शतैः
शताय शताभ्याम् शतेभ्यः
शतात् शताभ्याम् शतेभ्यः
शतस्य शतयोः शतानाम्
शते शतयोः शतेषु
हे शत हे शते हे शतानि

२०१९-१०-३० बुधवासरः (2019-10-30 Wednesday)