शर्वान्मया श्रुतम् (What I heard from Shiva)

स्वतो मे नास्ति विज्ञानं किं तु शर्वान्मया श्रुतम्।
उज्जयिन्यां श्मशाने यच्छृणु तत्कथयामि॥कथासरित्सागरः कथापीठलम्बकः १ द्वितीयस्तरङ्गः अष्टमः श्लोकः॥
गतरात्रौ अहं स्वपन् अचिन्तयं कथं शर्वान् इत्यत्र द्वितीयाविभक्तिः बहुवचनम्। सहसैव उद्योतोऽद्योतत तस्मिन् उद्योते यरोऽनुनासिकेऽनुनासिको वा (८.४.४५) इति अपश्यम्। तस्मात् शर्वात् मया इति ज्ञातम्।
न जाने कतिवारं मया इदं सूत्रं पठितम् किन्तु प्राप्तकाले व्यस्मरम्। खलु मात्रज्ञानात् प्रयुक्तज्ञानं विशिष्यते।

२०२०-०७-१४ मङ्गलवासरः (2020-07-14 Tuesday)

शास्त्रार्थः (Dialectic)

Dialectic इति मया वारं वारं पठितम्। कुत्रापि पठित्वा मया dialectic इत्यस्य अर्थः तर्कः इति मतः। किन्तु ह्यः अहमवागच्छं dialectic इत्यस्य विशिष्टोऽर्थोऽस्ति। मन्ये सः अर्थः यथा पूर्वपक्षः उत्तरपक्षः सिद्धान्तपक्षः इति तथा dialectic इत्यपि।
आश्चर्यमस्मिन् लेखे https://en.wikipedia.org/wiki/Dialectic पूर्वपक्ष इत्यादयः चर्चैव नास्ति।

२०२०-०७-१३ सोमवासरः (2020-07-13 Monday)

सत्त्ववादः (Existentialism)

सर्त्रामहाभागस्य existentialism इति दर्शनमस्ति। तेन लिखितानि पुस्तकानि पठनस्य मया पुरा प्रयासः कृतः किन्तु कदापि अंशमात्रमपि न अवगतम्। अद्येमां वार्तां पठित्वा मन्ये किञ्चिदवबोधामि। अयं लेखः समीचीनोऽस्ति।

9279222-4x3-xlarge
Sartre argued that “existence precedes essence”, meaning that who and what we are — our “essence” — is determined by our behaviour and actions, rather than by some sort of innate nature, or by a set of qualities projected onto us by someone else.

२०२०-०७-१२ रविवासरः (2020-07-12 Sunday)

नियोगशून्यं करोमि (I am finishing my work)

मया कुत्रचित् पठितम् स्वात्मानं नियोगशून्यं करोमि इति। इदं वाक्यं मनोहरं खलु। न तु शब्दैः किन्तु अत्र एकेन चित्रेणापि नियोगशून्यम् किमिति पश्यतु।

Capture
अद्य मया चिन्तितं एकस्मिन् शोधप्रकाशने सहसम्पादकस्य मम यः नियोगः अस्ति तस्मिन् नियोगे किं करणीयम् इति पश्यामि। अहो आश्चर्यं यदा जालपत्रे सः मम नियोगः दृष्टः तदा शून्यं शून्यं दृष्ट्वा ज्ञातं अहं स्वात्मानं नियोगशून्यमकरवम् इति।

२०२०-०७-०९ गुरुवासरः (2020-07-09 Thursday)

गिलेनमेक्सवेलवर्या (Ghislaine Maxwell)

सोमवासरे १९ओक्टोबर१९८७तिथौ अंशापणानां अधिकतममवपतनमभवत्।
सम्यग् स्मरामि पण्डिताः जनान् विभ्रामयितुं मा भैषीत् मा भैषीत् इति घोषणां तीव्रेण सर्वेषु सूचनामाध्यमेषु अकुर्वन् इति। ते रोबर्टमेक्सवेलस्य उदाहरणमददुः। पश्य कथं सः चतुरोऽस्ति कस्मात् तेन अस्मिन् विकटस्थितौ अंशापणे महद्धनमर्जयत्। भवान् अपि तेन सदृशः भवतु इति। अचिरं वयमजानं कथं रोबर्टः सर्वान् वञ्चयित्वा धनमर्जयत्। न तु सः किन्तु तस्य तनयापि प्रसिद्धास्ति तस्मिन्नेव कार्ये। इदं मया अद्यैव ज्ञातम्।

GhislaineRobertMaxwellCannes1987
Ghislaine, Robert and Betty Maxwell at Cannes film festival in 1987 (Courtesy The Guardian)

२०२०-०७-०८ बुधवासरः (2020-07-08 Wednesday)

कियदन्तरम् (How much distance?)

ह्यः अहं दिव्यांशुना सह मित्राणि मेलितुमेकं जलपानगृहमगच्छम्। सामान्यतोऽहं बहिर्जलपानाय न गच्छामि किन्तु माईकमानिकाभ्यां सह चिराय नामिलं तस्मात् सहर्षेणागच्छम्। जलपानगृहे नैके जनाः आसन्। उपवेशनायासनानि नासन्। वयमन्तरं दत्त्वा उपाविशाम तस्मात् जनाः वारं वारमागम्यापृच्छन्नपि वयमत्रोपविशेमेति। दिव्यांशुर्दयालुरस्ति स सर्वान्नकथयदुपविशत्विति किन्तु यदा त अन्तरमपश्यन् ते धन्यवादान् दत्त्वान्यद् स्थानमगच्छन्।

CafeDownerwithManikSun5July2020
With Manik Datar at Downer (Photo by Divyanshu) – Sun 5 July 2020

इदानीमपि विषाणुः कथं प्रसरति इति कोऽपि न जानाति तस्मात् प्रार्थये विषाणुविषये तूष्णीं भवतु।
https://www.nytimes.com/2020/07/04/health/239-experts-with-one-big-claim-the-coronavirus-is-airborne.html

२०२०-०७-०६ सोमवासरः (2020-07-06 Monday)

ऐतिहासिकं कार्यम् (Historical work)

अद्य वित्तवर्षस्य प्रथमो दिवसोऽस्ति। अद्यैवाहं मम आयकरसम्बन्धीनि सर्वाणि पत्राणि मम आयस्य सम्पूर्णं विवरणम् च नियोगकर्तारमप्रेषयम्। इदमहं कदापि पूर्वं नाकरवम्। सामान्यतोऽहं द्वादशमासान् परमपि इदं कार्यं न करोमि किन्तु अस्मिन् वर्षे प्रथमे एव दिवसे सर्वं सम्पन्नम्।

२०२०-०७-०१ बुधवासरः (2020-07-01 Wednesday)

वित्तवर्षमवसितम् (Financial Year Ended)

अद्य वित्तवर्षस्यान्तिमो दिवसोऽस्ति। न जाने कथमद्य मध्याह्ने कोऽपि देवात्मा मयि प्राविशत्। तस्य प्रेरणयाहं ममायकरप्रसङ्गे यानि कानि पत्राणि मम सकाशे सन्ति तेषां सङ्कलम् आरब्धम्। रात्रौ केनापि मित्रेण वहोट्स्-एप् इति माध्यमेन क्रीडायै आमन्त्रितः तेषु पत्रेषु ये ये राशयः सन्ति तान् एकस्मिन् आलेखे प्रवेशितुं नाशक्नवम्। एकं पत्रं ते श्वः एव जालपत्रे स्थापयिष्यन्ति च। तत्पत्रं विहाय मम सकाशे आयकरसम्बन्धीनि सर्वाणि पत्राणि सन्ति।

२०२०-०६-३० मङ्गलवासरः (2020-06-30 Tuesday)

कलानिपुणाः संस्कृतज्ञाः च (Artists and Sanskrit Scholars)

यैः इमानि जालपत्राणि कल्पितानि तेभ्यः कलानिपुणेभ्यः संस्कृतज्ञेभ्यः नमः।
कृष्णमाचर्ययोगमन्दिरं योगवैशारदी Principal Yoga textshttps://kymyogavaisharadi.org
अद्वैतशारदा दक्षिणाम्नाय श्रीशारदापीठम्, शृङ्गेरीhttps://advaitasharada.sringeri.net
सायणाचार्यस्य भाषया सह ऋग्वेदःhttp://rigveda.sanatana.in/
वन्दे मातरम्https://vmlt.in/

२०२०-०६-२७ शनिवासरः (2020-06-27 Saturday)

अदासमानय (Get one who is not Lord’s devotee)

न जाने कतिवारं कः पर्युदासनिषेधः कः प्रसज्यनिषेधः इति विस्मरामि।
पर्युदासनिषेधस्य प्रसिद्धं वाक्यमस्ति अब्राह्मणमानय इति। मन्ये तस्य व्यत्ययः अदासमानय इति स्मर्तव्यम्।
प्रसज्यनिषेधस्य प्रसिद्धं वाक्यमस्ति अनृतं न वक्तव्यम् इति। मन्ये तस्य विपर्ययः प्रसज्य न वक्तव्यम् (after getting attached one should not discourse) इति स्मर्तव्यम्।
पर्युदासनिषेधः विधिः प्रधानोऽस्ति दासम् विहाय किमपि आनीय।
प्रसज्यनिषेधः निषेधः प्रधानोऽस्ति किं वक्तव्यम् इति न सूचितम् केवलं प्रसज्य न वक्तव्यम् इति। विधिः न सूचितः केवलः निषेधः प्रसज्य न वक्तव्यम् इति।

२०२०-०६-१७ बुधवासरः (2020-06-17 Wednesday)