वार्षिकोत्सवः (Anniversary)

हिन्दीभाषायां जयन्ती इति anniversary इत्यर्थे प्रयुज्यते। जयन्ती मङ्गला काली भद्रकाली कपालिनी दुर्गा शिवा क्षमा धात्री स्वाहा स्वधा इति कलिकापुराणे।
अपि anniversary इत्यर्थे वार्षिकोत्सवः इति प्रयोक्तुं शक्यते? अपि अस्ति अन्ये शब्दाः anniversary इत्यर्थे?
अस्माकं जीवने नैकानि घटनानि आयान्ति कानिचित् सुखप्रदानि कानिचित् दुःखप्रदानि। सुखप्रदाः वार्षिकोत्सवाः भवेयुः किन्तु दुःखप्रदाः अनुभवाः न तु उत्सवाः। तस्मात् अन्यं शब्दं गवेषयामि।
अद्य तु वार्षिकोत्सवः इति मत्वा सुखिनः भवेम।

२०१९-०६-१९ बुधवासरः (2019-06-19 Wednesday)

Advertisements

क्षपाकरः (Moon)

श्वः क्षपाकरः पूर्णतां प्राप्स्यति। मम माता पुनः पुनः पृच्छति कदा पूर्णिमा इति। तस्मात् जानामि।
हिरण्यगर्भो भुवनाण्डकादिव क्षपाकरः क्षीरमहार्वणवादिव।
अभूत्सुपर्णो विनतोदरादिव द्विजन्मनामर्थपतिः पतिस्ततः॥कादम्बरी पूर्वभागः १३॥
As Brahmaji from the egg of the universe, as moon from the milk-ocean, as Garuda from the womb of Vinataa, like so the best of the twice born (brahmins), Arthapai, was born from Kuber.

२०१९-०६-१६ रविवासरः (2019-06-16 Sunday)

द्वयोः महाराज्ञ्योः जन्मदिवसः (Birthday of Two Queens)

विदितमेव न मह्यं ओस्ट्रेलियादेशस्य महाराज्ञी रोचते। किन्तु अद्य तस्याः जन्मदिवसाय अवकाशः अस्ति तस्मात् तस्य चर्चां करोमि।

queen

अद्य एकस्याः अन्यस्याः महत्तरायाः महाराज्ञ्याः अपि जन्मदिवसः अस्ति। तस्य उत्सवं कथम् आमानयिष्यामहे इति न जाने किन्तु मन्ये अपत्यानि किञ्चित् करिष्यन्ति।

Mita2

२०१९-०६-१० सोमवासरः (2019-06-10 Monday)

मम भार्यया अपत्याभ्यां च सह (With my wife and children)

ह्यः आवयोः कन्या अमेरिकादेशम् अगच्छत्। सा आवयोः कनिष्ठम् अपत्यम् अस्ति। तां विस्रष्टुं वयं केन्बरानगरस्य सर्वयानस्थले अगच्छाम। तस्याः गमनात् अहं विषण्णः अस्मि। सा षड्भ्यो मासेभ्यः परम् प्रत्यागमिष्यति।

SeeingOffJallu5June2019
Jwalita Leaving for the US – Wed 5 June 2019 – Jolimont Centre, Canberra

२०१९-०६-०६ गुरुवासरः (2019-06-06 Thursday)

आचार्यः व्यापृतः (Acharya is busy)

ह्यः पर्यन्तम् अहं व्यापृतः आसम् अद्य अस्माकम् आचार्यः व्यापृतः अस्ति। अहं कार्यालयस्य कार्ये व्यापृतः आसम् किन्तु आचार्यः स्वकुटुम्बस्य मोहजाले व्यापृतः अस्ति।

२०१९-०६-०१ शनिवासरः (2019-06-01 Saturday)

व्यापृतः आसम् (I was busy)

अस्मिन् सप्ताहे सोमवासरे अवकाशः आसीत् तस्मात् सप्ताहस्य कार्यं चतुर्षु दिवसेषु एव करणीयम्। व्यापृते सति अन्येभ्यः कार्येभ्यः अवकाशः न लब्धः।

२०१९-०५-३१ शुक्रवासरः (2019-05-31 Friday)

पञ्च नित्यकार्याणि कृतानि (Did five daily routine)

अद्य अत्र अवकाशः अस्ति तस्मात् गृहे एव अस्मि। प्रातः कार्यालयस्य अनिवार्याणि कार्याणि कृतानि। एकः प्रयोगः कल्पितः पाठनसामग्री अपि रचिता। प्राप्ते अवसरे नेतिक्रिया कृता भ्रमणाय गतः क्रियायोगाभ्यासः कृतः गीतापाठः कृतः अन्ते च इदं वार्तापत्रं लिखामि च। प्रातः वेदमन्त्राणाम् अनुवादः च अवगतः।

इदं सर्वं लिखामि यतो हि गतसोमवासरतः निर्वाचनस्य समाचाराणाम् अनुसरणम् एव करोमि। तत् परम् अद्य प्रथमः दिवसः अस्ति यदा अहं मम नित्यकार्येषु अवधानं ददामि। प्रसन्नः अस्मि।

२०१९-०५-२७ सोमवासरः (2019-05-27 Monday)