कीलगुच्छः यदृच्छया निपातितः (Dropped keys by accident)

सोमवासरे मया मम कीलगुच्छः (कीलराशिः कीलपुञ्जः कीलौत्करः कीलकूटं कीलसमुच्चयः कीलसमाहारः कीलचयः कीलस्तवकः कीलस्तम्बः कीलगुच्छकः) यानविरामस्थले यदृच्छातः ऊरुकस्य पुटकात् निपातितः (अवकृष्टः निष्कासितः प्रणुत्तः)।
दिष्ट्या केनापि सः कीलगुच्छः दृष्टः। तेन प्राप्तनिपातितानि वस्तूनि इत्यस्मिन् कार्यालये सः गुच्छः निवर्तितः। मया मम कक्षे यानविरामस्थले पुस्तकालये अखिले कार्यभवने सर्वत्रापि कीलगुच्छस्य अन्वेषणं कृतं किन्तु न साफल्यं लब्धम्। अन्ते केनापि अहं निर्दिष्टः प्राप्तनिपातितानि वस्तूनि इति कार्यालये गतः कीलगुच्छः प्राप्तः च। अहो आनन्दः।

२०२०-०१-२२ बुधवासरः (2020-01-22 Wednesday)

माण्डुक्योपनिषद् (Mandukya Upanishad)

गतशुक्रवासरे एकेन मित्रेण सह अहं जागरितस्थानः स्वप्नस्थानः सुषुप्तस्थानः इत्येषां चर्चां करोमि स्म। इदानीमहं वेदान्तविषय एकं पुस्तकं पठामि। यत् मया पठितं तस्याधारेण सुषुप्तस्थानेन सह चेतनायाः सम्मेलनमकरवम्।
अद्य सर्वप्रियानन्दस्य व्याख्यानस्य श्रवणमारब्धो यत्र स माण्डुक्योपनिषदश्चर्चां करोति। तच्छ्रुत्वा मया माण्डुक्योपनिषद् दृष्टा। तत्र पञ्चमो मन्त्रोऽस्ति-
यत्र सुप्तो न कञ्चन कामं कामयते न कञ्चन स्वप्नं पश्यति तत् सुषुप्तम्।
सुषुप्तस्थान एकीभूतः प्रज्ञानघन एवानन्दमयो ह्यानन्दभुक् चेतोमुखः प्राज्ञस्तृतीयः पादः॥माण्डुक्योपनिषद् ५॥
यदहं चेतनेत्यकथयं तदत्र चेतोमुखः प्राज्ञ इत्यस्ति।

२०२०-०१-२१ मङ्गलवासरः (2020-01-21 Tuesday)

मेल्बोर्ननगरे हिन्दूपरिषद् (Hindu Conference in Melbourne)

गतशनिवासरे रविवासरे च (२०२०-०१-१८, २०२०-०१-१९) अहं मिलिन्दवर्येण सह मेल्बोर्ननगरमगच्छम्। तत्र ओस्ट्रेलियाहिन्दूसमितिः एकायाः परिषद आयोजनमकरोत्। परिषद् हिन्दूधर्मस्य केषाञ्चित् विषयणां चर्चायै आयोजिता। अहं गीतायाः षड्दर्शनस्य च विषयोः व्याख्यातम्। मिलिन्दवर्यः हिन्दूधर्मस्य के के आधाराः सन्ति इति विषयेषु तथा हिन्दूधर्मस्य ख्रिस्तीमतस्य तुलनामकरोत्।
परिषदि प्रायः द्वात्रिंशत् भागिनः आसन्। आवां श्रीमकरन्दभागवतवर्यस्य गृहे रात्रौ अतिष्ठाव। तयोरातिथ्यमद्भुतमासीत्। परिषदि भृशमानन्दमन्वभवम्।

२०२०-०१-२० सोमवासरः (2020-01-20 Monday)

वर्षति (Raining)

अन्ते ह्यः केन्बरा नगरे जलमवर्षत् महत् गर्जनं किन्तु स्तोकं जलम्।
गर्जन्ति मेघाः आच्छादयन्ति च दिवाकरम्।
हृदयमाह्लादयन्ते स्तोकं हि ददति जलम्।

WhatsApp Image 2020-01-16 at 5.37.08 PM
Drizzling Nichols ACT Australia 5.40pm 16 Jan 2020

२०२०-०१-१७ शुक्रवासरः (2020-01-17 Friday)

शतम् (A hundred)

फालकक्रीडायां शते प्राप्ते मोदन्ति सर्वेऽपि।
जीवनेऽपि शते प्राप्ते जना उत्सवं मन्यन्ते।

२०२०-०१-१४ मङ्गलवासरः (2020-01-14 Tuesday)

नान्यः पन्था विद्यतेऽयनाय (There is no other road for the great passage)

अद्य श्वेताश्वतरोपनिषद् इत्यस्य आनन्दमन्वभूयम्। अस्यामुपनिषदि अनेके मन्त्राः गीतायाः अन्याभ्यः उपनिषद्भ्यः गृहीतानि। अस्यामुपनिषदि षडध्यायाः सन्ति त्रयोदशाधिकशतं मन्त्राः च सन्ति।
प्रथमे अध्याये अस्ति किं कारणं ब्रह्म (Is Brahman the cause) इत्यस्य उत्तरम्।
द्वितीये अध्याये प्राप्तस्य योगाग्निमयं शरीरम् (possessed of a body made of the fire of yoga) इति योगाय निर्देशनमस्ति।
तृतीये अध्याये य एवैक उद्भवे सम्भवे च (The one who is alone at the time of creation and dissolution) इति एकस्य देवस्य वर्णनमस्ति।
चतुर्थे अध्याये वर्णाननेकान् निहितार्थो दधाति (gives rise to various colours with the help of His own power) इति सः एकः कथं बहुधा भवति इत्यस्य वर्णनमस्ति।
पञ्चमे अध्याये अङ्गुष्ठमात्रः (His size is as the size of a man’s thumb) इति कथं सः एकः योनिं योनिमधितिष्ठति इत्यस्य वर्णनमस्ति।
षष्ठे अध्याये तत्कर्म कृत्वा विनिवर्त्य भूयः (After seeing the creation in motion and withdrawing Himself from it) इति देवतानां परमं च दैवम् इत्यस्य वर्णनमस्ति।

२०२०-०१-१३ सोमवासरः (2020-01-13 Monday)

तदात्मानं सृजाम्यहम् (Then I create myself)

कथमवतार इति प्रश्नः सर्वेषां मनसि यदा तदाजायत एव। परमात्मा सर्वशक्तिमानस्ति तदावतारमकृत्वापि साधूनां परित्राणं दुष्कराणां विनाशं च कर्तुं शक्नोति। तदा कथमवतारः।

अद्य मयावतारस्य कारणं ज्ञातम्। तत् कारणं यस्मादहं सन्तुष्टो भवितुं शक्नोमि। अहो आनन्दः।

२०२०-०१-१२ रविवासरः (2020-01-12 Sunday)