ग्रीष्मऋतोः अन्तिमदिवसः (The last day of summer)

अद्य ग्रीष्मऋतोः अन्तिमदिवसः अस्ति। अद्य घर्मः अस्ति। किन्तु ऋतुः अपि पाश्चात्यानां पञ्चाङ्गात् बिभेति तस्मात् श्वः घर्मः विलुप्तः भविष्यति इति मन्ये।

२०१८-०२-२८ बुधवासरः (2018-02-28 Wednesday)

संस्कृताभ्यासवर्गः (Sanskrit Group)

अस्माकं वर्गः प्रतिसप्ताहे संस्कृतस्य अभ्यासाय मन्दिरे मिलति। अद्य अस्माकं मेलनम् आसीत्। अद्य मया अनुभूतं वर्गस्य सदस्याः बहु समीचीनं प्रगतिं कुर्वन्ति। ते यथाशक्तिं प्रयासं कुर्वन्ति। तेषां प्रगतिं सन्धार्य अहं प्रसन्नः अस्मि।

२०१८-०२-२७ मङ्गलवासरः (2018-02-27 Tuesday)

विज्ञप्तिः (Report)

अद्य मया एकस्य विश्लेषणस्य विज्ञप्तिः लिखिता। विज्ञप्तिः मया चन्द्रशेखरवर्याय लिखिता किन्तु सः तां विज्ञप्तिं पठित्वा प्रसन्नः न अभवत्। दीर्घवादविवादस्य अनन्तरं सः मया सह सहमतः अभवत्।

२०१८-०२-२६ सोमवासरः (2018-02-26 Monday)

संस्कृते लिखामः इति ख्याता विशालाक्षीमहाभागा (Smt. Vishaalaakshii)

अद्य संस्कृते लिखामः इति ख्याता विशालाक्षीमहाभागा आवां किरातार्जुनीयम् इत्यस्य एकं श्लोकम् अध्यापयत्। तस्याः पाठनशैली अतिरुचिकरा अस्ति। सा आवाभ्याम् अध्यापनेन भृशम् आनन्दम् अददात्।

२०१८-०२-२५ रविवासरः (2018-02-25 Sunday)

पश्यत्यकृतबुद्धित्वात् (Observes from an imperfect intelligence)

गीतायाम् अस्ति –
तत्रैव सति कर्तारमात्मानं केवलं तु यः।
पश्यत्यकृतबुद्धित्वान्न स पश्यति दुर्मतिः॥गीता १८.१६॥

२०१८-०२-२४ शनिवासरः (2018-02-24 Saturday)

बार्नबीवर्यः पदत्यागं करोति (Mr Barnaby Joyce Resigns)

केषाञ्चन दिवसानां पूर्वं मया माल्कम-बार्नबी-वर्ययोः चर्चितम्। तत् काण्डम् अद्य अवसितम्। बार्नबीवर्येण अद्य स्वपदत्यागं कृतम्। सः देशस्य उपप्रधानमन्त्री आसीत्।

barnaby-joyce-during-press-conference-data
Mr Barnaby Joyce (Courtesy ABC)

२०१८-०२-२३ शुक्रवासरः (2018-02-23 Friday)

ज्वलिता सिडनीनगरं गच्छति (Jwalita goes to Sydney)

अद्य प्रातःकाले दशवादने सर्वयानेन ज्वलिता सिडनीनगरम् अगच्छत्। मया तस्याः यात्रापत्रं जालसंयुक्तसेवया क्रीतम् किन्तु केन्बरानगरतः सिडनीनगरं यावत् न क्रीतं सिडनीनगरतः केन्बरानगरं यावत् क्रीतम्। दिष्टया सा इदं स्खलनं यात्रायाः पूर्वमेव अपश्यत्। तैः यात्रापत्रस्य धनं न प्रतिदत्तम् किन्तु तया यात्रायाः पूर्वमेव सम्यग् यात्रापत्रं क्रीतम् तस्य सन्तोषः अस्ति।

२०१८-०२-२२ गुरुवासरः (2018-02-22 Thursday)

आकाशस्य मानचित्राणि (Maps of the Sky)

अद्य अहम् आवयोः कन्याभ्यां सह ओस्ट्रेलिया-राष्ट्रीय-विश्वविद्यालये (ANU, Canberra) एकस्मिन् व्याख्याने अगच्छम्। व्याख्यानम् अस्ति – MAPPING THE SKY: FROM ANCIENT TIMES TO THE MODERN AUSTRALIAN SKYMAPPER TELESCOPE।व्याख्यानं द्वौ व्याख्यातारौ अदत्ताम्। एकः आसीत् नोबेलपुरस्कृतः ब्रायन-श्मिड्ट्वर्यः। व्याख्यानं ज्ञानवर्धकं रुचिकरं च आसीत्।

२०१८-०२-२१ बुधवासरः (2018-02-21 Wednesday)

रजितः केन्बरानगरम् आगच्छत् (Prof Rajit Gadh visits Canberra)

मम सहकर्मी रजितवर्यः अद्य केन्बरानगरम् आगच्छत्। सः केन्बरानगरम् एकस्मिन् रात्रौ एव अतिष्ठत्। सः लोस्-एन्जलिसनगरे केलिफोर्नियाविश्वविद्यालये प्राध्यापकः अस्ति – https://en.wikipedia.org/wiki/Rajit_Gadh अहं तेन सह शोधकार्यं कर्तुं सम्पूर्णे २०१३तमे वर्षे तस्य विश्वविद्यालये आसम्। इदानीम् अपि तेन सह कार्यं करोमि।

RajitCanberra20Feb2018small
Himanshu & Rajit (right) on Mount Ainslie Canberra (Parliament House in the background) on 20 Feb 2018

२०१८-०२-२० मङ्गलवासरः (2018-02-20 Tuesday)

प्रवञ्चना (Fraud)

अहं न विश्वसिमि कोऽपि मम सम्बन्धी प्रवञ्चनायाः बलिः भवितुं शक्नोति। अभिलाषः मम पितृव्यपुत्रस्य पुत्रः अस्ति।
https://www.sbs.com.au/yourlanguage/punjabi/en/article/2018/02/20/immediately-leave-australia-indian-migrant-duped-6000

SwatiAbhilashFeb2018
Swati and Abhilash Nagar

२०१८-०२-१९ सोमवासरः (2018-02-19 Monday)