तस्मै अथवा 'खीर' (Pudding)

अद्य ज़ी टी वी माध्यमे ‘बन्धन्’ नाम हिन्दी चलचित्रं अपश्यम् । अस्मिन् चलचित्रे ‘खीर्’ इति सुविदितं मिष्टान्नं ‘तस्मै’ इति कथ्यते । श्रूयतामत्र –

प्रयोगमिमं श्रुत्वा अहं परमं विस्मयं गतः । कुतः ‘तस्मै’ इति अचिन्तयम् । मित्रैः सह पत्रविनिमयानन्तरं किञ्चिदवगन्तुं शक्नोमि। प्रायः अस्मासु गृहेषु क्षीरान्नं ईश्वराय एव क्रियते । कोऽयमीश्वरः? स एव यः सर्वव्यापी अन्तर्यामी च। अथवा यदि कोऽपि ‘कस्मै’ क्षीरान्नं क्रियते इति पृच्छति चेत् तर्हि ‘तस्मै’ इति उत्तरं प्राप्नोति। अत्र ‘तस्मै’ शब्द: तं अन्तर्यामिनं ईश्वरं सूचयति । अतः शिष्टभाषायां ‘तस्मै’ शब्देन क्षीरान्नमेव सूचितम् । अयं प्रयोगः छत्तीसगढ़प्रदेशविशेषः इत्यपि श्रूयते। (http://shaakuntalam.blogspot.com/2013/05/sanskrit-se-anupranit-chhtteesgrhee-ka.html)

पामरजनभाषायां अहो वेदान्तार्थसंमिश्रप्रयोगः। भ्रान्ताः खलु ते ये संस्कृतभाषां मृतभाषा इति जल्पन्ति ।