Month: March 2011

निवर्तनम् (Retreat)

अद्य सामान्यकार्यात् निवर्तनम् कृत्वा क्रीयायोगस्य अनुशीलनाय सिडनीनगरे एकस्मिन् निवेशने अगच्छम्। मया सह केन्बरानगरतः अन्ये द्वौ साधकौ अपि आस्ताम्। वयं केन्बरानगरतः प्रातः अष्टवादने आरभ्य सार्ध-एकादशवादने सिडनीनगरं प्राप्तवन्तः।

२०११-०३-२९ मङ्गलवासरः (2011-03-29 Tuesday)

Advertisements

व्यस्तः आसम् (I was busy)

अद्य कार्यालये अहम् अतीव व्यस्तः आसम्। एकस्मै उपवेशनाय पञ्जीकरणम् अकरवम्। तत् परं पञ्चशोधपत्राणि प्रैषयम्। श्वः प्रभृतिः सप्ताहन्ततः कार्यालयं न गमिष्यामि तस्मात् सर्वाणि कार्याणि अद्यैव कर्तव्यानि।

२०११-०३-२८ सोमवासरः (2011-03-28 Monday)

कार्यालयः गन्तव्यः (Should go to office)

अद्य मया अनेकानि कार्याणि कर्तव्यानि। मया चिन्तितं गृहे स्थात्वा करिष्यामि इति। किन्तु गृहे कार्यं न भवति। दूरदर्शनम् अस्ति शय्या अस्ति पत्रिकाः सन्ति अनेकाः विक्षेपाः सन्ति तस्मात् कार्यालयं गत्वा एव कार्यं करवाणि।

२०११-०३-२७ रविवासरः (2011-03-27 Sunday)

पृथिवीहोरा (The Earth Hour)

अद्य पृथिवीहोरा आसीत् यदा विद्युत्दीपकानां निर्वाणं कर्तव्यम्। तस्यां होरायां वयं गृहस्य बहीः राष्ट्रीय-ओस्ट्रेलिया-विश्वविद्यालये एकस्मिन् कार्यक्रमे अगच्छाम। गृहं प्रत्यागम्य मया द्वे दीपके प्रकाशमाने दृष्टे। यदा वयं गृहात् बहिः गच्छामः तदा अहम् अनेकवारं पृच्छामि अपि सर्वणि दीपकानि निर्वाणानि सन्ति ते सदैव आम् इति कथयन्ति किन्तु तस्मात् न भवति। अद्य अस्माकम् अधिवासिनः कदाचित् अचिन्तयन् इमे जनाः पर्यावरणाय न चिन्तयन्ति इति।

२०११-०३-२६ शनिवासरः (2011-03-26 Saturday)

कृ कथं कार्यं भवति (How kRRi becomes kaaryam)

कृ धातुना सह ण्यत् प्रत्ययः लगति। कालेवर्यः लिखति Roots ending in ऋ and those ending in a consonant take the affix ण्यत् (य) in the same sense as यत्। Before this affix the ending च् and ज् of a root are changed to  क् and ग् repectively and the final vowel and the penultimate अ take  वृद्धि substitute–any other penultimate vowel generally takes गणः।
कृ – कार्यम् what ought to be done
ग्रह् – ग्राह्यम् what ought to be taken
दभ् – दाभ्यम् what ought to be impelled

२०११-०३-२४ गुरुवासरः (2011-03-24 Thursday)

महत्तमः अपमानः (Greatest Insult)

अद्य आवयोः कन्या स्वगृहकार्यं करोति स्म। मया पृष्टा किं करोति इति। अपि मम सहाय्यं इच्छसि इति अहम् अकथयम्। सा उत्तरम् अददात् – आङ्ग्लभाषायाः गृहकार्यं करोमि यदि सहाय्यम् इच्छामि तर्हि शुचितां प्रक्ष्यामि। भारतीयदेशीयेभ्यः अस्मात् महत्तरः अपमानः कः भविष्यति। सर्वेषु प्रकारेषु अपमानेषु भवान् आङ्ग्लभाषां सम्यग् न जानाति इति अपमानः बृहत्तमः अस्ति। मम कन्या मम महत्तमः अपमानम् अकरोत्।

२०११-०३-२३ बुधवासरः (2011-03-23 Wednesday)