अयोध्यानिर्णयः (Ayodhya Verdict)

अद्य प्रयाग-उच्चन्यायालयस्य न्यायाधीशाः धर्मवीरशर्मावर्यः सुधीराग्रवालवर्यः खानवर्यः च प्रतिक्षितं निर्णयम् अददुः। निर्णयं करणाय ते भारतीय-पुरातत्व-सर्वेक्षण-विभागस्य (ASI) प्रमाणस्य आधारम् अगृह्णन्। सर्वान् प्रथमम् इदं तथ्यं गृह्णीयुः।

२०१०-०९-३० गुरुवासरः (2010-09-30 Thursday)

क्रियायोगस्य अभ्यासः (Kriya Yoga Practice)

अद्य वयं प्रातः अष्टवादने सायंकाले पञ्चवादने च क्रियायोगस्य अभ्यासम् अकुर्म। ह्यः एकादश साधकाः क्रियायोगस्य श्रीसमर्पणानन्दात् दीक्षाम् अगृह्णन्। तस्मात् केवलौ द्वौ साधकौ अद्य अभ्यासाय आगच्छताम्। दीक्षां प्राप्य नित्य अभ्यासं करणीयम् इति मे मति। अभ्यासस्य विना दीक्षा किं करिष्यति।

२०१०-०९-२९ बुधवासरः (2010-09-29 Wednesday)

अन्तिमः पाठः (Last Lesson)

अद्य मया पाठितस्य हिन्दीपाठ्यक्रमस्य अन्तिमः दिवसः आसीत्। सर्वे छात्राः अस्य पाठ्यक्रमस्य परं अन्ये पाठ्यक्रमे आगन्तुम् इच्छन्ति। अहं मन्ये नवीनं पाठ्यक्रमं केवलं सम्भाषणहिन्दी-पाठ्यक्रमं भविष्यति। ते अनेकानि वस्तूनि जानन्ति किन्तु सम्यग् वक्तुं न शक्नुवन्ति। यावत् ते हिन्दीभाषया न वदिष्यन्ति तावत् तेषाम् आत्मविश्वासः न भविष्यति।

२०१०-०९-२८ मङ्गलवासरः (2010-09-28 Tuesday)

बाबासमर्पणानन्दः (Baba Samarpanandnaji)

अद्य प्रातःकाले क्रीयायोगस्य दक्षौ शिक्षकौ केन्बरानगरम् आगच्छताम्। बाबासमर्पणानन्दः वयस्करः शिक्षकः अस्ति तेन सह ब्रह्मचारीनिष्ठानन्दः अपि अस्ति। तौ अस्माकं गृहे वसिष्यतः। तौ गुरुवासरे ब्रिसबेननगरं गमिष्यतः। अहं ताभ्यां सह तयोः निर्देशने च अभ्यासं करिष्यामि। अद्य अभ्यासाय आवयोः कन्या ज्वलिता अपि आगच्छत्।

२०१०-०९-२७ सोमवासरः (2010-09-27 Monday)

कार्यालयम् अगच्छम् (Went to work)

अद्य प्रातःकाले उत्थाय मया घासं आच्छिन्नम्। तत् परं दशवादने दिव्यांशुं तस्य कार्यविपणम् अनयम्। तं तत्र अवतार्य मम कार्यालयम् अगच्छम्। कार्यालये चतुर्वादनपर्यन्तं कार्यं कृत्वा गृहं प्रत्यागच्छम्। तत् परं मम भार्यया सह भ्रमणाय अगच्छम्। अधुना दूरदर्शनं पश्यामि।

२०१०-०९-२६ रविवासरः (2010-09-26 Sunday)

शीतः आसीत् (It was cold)

अद्य मया गृहात् बहिः कार्यं कर्तुम् ऐच्छम् किन्तु अद्य तीव्रशीतः आसीत् तथा अहं किमपि कार्यं कर्तुं न अशक्नवम्।

२०१०-०९-२५ शनिवासरः (2010-09-25 Saturday)

दीनानुकम्पनदासवर्यः (Dina Anukampana Das)

अद्य सायंकाले अहं दीनानुकम्पनदासवर्येण सह मिलितवान्। सः अद्भुतः पुरुषः अस्ति। सः संस्कृतभाषायाः वर्णानां सम्यग् उच्चारणं शिक्षयति। सः रोमनलिप्याः एव उपयोगं करोति। तेन गीतायाः सर्वाः श्लोकाः रोमनलिप्यां लिखिताः एकस्मिन् पुस्तके प्रकाशिताः च (http://gitajayanti.ning.com/video/sample-of-dinas-gita-slokas)। सः हरेकृष्णा इति सम्प्रदायस्य सदस्यः अस्ति। अहं तेन मिलित्वा अतीवप्रसन्नः अभवम्।  तस्य जालपत्रमस्ति – http://sites.google.com/site/dinaanu/

२०१०-०९-२४ शुक्रवासरः (2010-09-24 Friday)