इदम् (This)

अयं वेदः। इमौ वेदौ। इमे वेदाः।
इयं लता। इमे लते। इमाः लताः।
इदं पुस्तकं। इमे पुस्तके। इमानि पुस्तकानि।
इमं वेदं पठामि। इमां लतां पश्यामि। इदं पुस्तकं पठामि।
अनेन हस्तेन लिखामि। अनया नावा अतिक्रमामि।
अस्य वेदस्य कः ऋषिः। अस्याः लतायाः कः स्वमी।

२००८-०४-३० बुधवासरः (2008-04-30 Wednesday)

Advertisements

दिवं गता (Passed Away)

गत रविवासरे रात्रौ केन्बरानगरस्य प्रतिष्ठितस्य परिवारस्य या पितामही मातामही च आसीत् सा दिवं गता। तस्याः निधनं शान्तिपूर्वकम् एव अभवत् यतो हि सा एकः पवित्रात्मा आसीत्। वयम् ईश्वरं प्रार्थामहे तस्याः आत्मानं सद्गतिं ददातु इति।

२००८-०४-२९ मङ्गलवासरः (2008-04-29 Tuesday)

नीरसं चलचित्रम् (Boring Movie)

अद्य अहं मम भार्यया सह चलचित्रं द्रष्टुम् अगच्छम्। अस्माकं सकाशे किञ्चित् मासपूर्वात् निःशुल्क-प्रवेशपत्रम् आसीत्। मम भार्या मां नित्यम् अकथयत् निःशुल्कपत्रम् अस्ति तदापि भवान् मया सह चलचित्रं द्रष्ट्वा न गच्छति इति। अद्य अहं एकं चलचित्रं सम्यग् अस्ति इति मत्वा तया सह अगच्छम्। चलचित्रं कीदृशं नीरसम् आसीत् तस्य वर्णनम् अहं कर्तुम् न समर्थः। कथं जनाः शुल्कं दत्वा तस्मिन् चलचित्रे गच्छन्ति अहं न जानामि। अहं चलचित्रस्य नाम अपि व्यस्मृतम्। कदाचित् तस्य नाम Forgetting SaraH Marshall इति अस्ति इदं मम भार्या कथयति।

२००८-०४-२८ सोमवासरः (2008-04-28 Monday)

प्रथमः शीतदिवसः (First Cold Day)

अद्य अस्य वर्षस्य/संवत्सरस्य प्रथमः शीतदिवसः आसीत्। प्रातःकाले अहम् अतीवः प्रसन्नः अभवत् यतो हि वयं उद्यानकार्यं गत शुक्रवासरे एव अकुर्म। गत शुक्रवासरः उष्णदिवसः आसीत्। अद्य सायंकाले वर्षा च अपतत्।

२००८-०४-२७ रविवासरः (2008-04-27 Sunday)

रविन्द्रवर्यः राहुलवर्यः आगच्छताम् (Ravindra & Rahul Visit)

रविन्द्रवर्यः दिल्लीविश्वविद्यालयात् अस्माकं विश्विद्यालये पञ्चमासाय अस्ति। सः भार्यया पुत्रेण च सह अत्र केन्बरानगरे अस्ति। राहुलवर्यः अस्माकं चिरमित्रमस्ति। तौ स्वपरिवारेण सह अद्य रात्रौ अस्माकं गृहे आगतवन्तौ। अस्माकं आचार्यः न जानति किन्तु तौ लघुसिद्धान्तकौमुद्यां पाठे अतिष्ठताम् च। तौ अत्यन्त प्रभावितौ आस्ताम्।

२००८-०४-२६ शनिवासरः (2008-04-26 Saturday)

अवकाशदिवसः (Holiday)

अद्य अत्र अवकाशदिवसः आसीत्। अस्य दिवसस्य नाम एन्ज़ेक-दिवसः अस्ति। प्रथमविश्वयुद्धे औस्ट्रेलियायाः अनेकाः योद्धाः तुर्कीस्थानदेशे वीरगतिं प्राप्तवन्तः। तस्य युद्धस्य कथा सुपरिचिता अस्ति। आङ्गलनायकाः अजानन् तस्मिन् युद्धे विजयस्य कोऽपि सम्भावना न अस्ति तस्मात् ते स्वयोद्धाः न अप्रेषयन् किन्तु औस्ट्रेलियायाः योद्धाः अप्रेषयन्। अयम् अवकाशः तेषां वीरयोद्धानां स्मर्तुम् अस्ति।

२००८-०४-२५ शुक्रवासरः (2008-04-25 Friday)

समर्थः (Able)

सः सर्वं कर्तुं समर्थः अस्ति। अहं पठने पाठने च समर्थः अस्मि किन्तु यन्त्रकार्यं कर्तुं समर्थः नास्मि।

२००८-०४-२४ गुरुवासरः (2008-04-24 Thursday)