Learn Sanskrit

आहरति (She brings)

Himanshu Pota — Mon, 30 Jan 2012 10:09:42 +0000

आ + हृ इत्यस्य धातोः अर्थः अस्ति to bring, to fetch.
सा पुस्तकानि आहरति। तौ भोजनम् आहरतः। ते वस्त्राणि आहरन्ति।
अपि त्वं मम कृते फलानि आहरसि? युवां किम् आहरथः? यूयं मम भोजनं कदा आहरथ?
अहं कन्दुकम् आहरामि। आवां यानं कुत्रापि न आहरावः। वयं बालकान् आहारामः।

२०१२-०१-३० सोमवासरः (2012-01-30 Monday)

Useful Sentences

Himanshu Pota — Sat, 28 Jan 2012 23:54:57 +0000

This is an old document I had from 1997 and prepared by Sanskrit Bharati. Hopefully it will be of use to some learners. Perhaps of use to those students who are looking for how to write Sanskrit essays, etc.
Sentences

तद्धितः (Taddhita Suffixes)

Himanshu Pota — Sat, 28 Jan 2012 23:36:08 +0000

तेभ्यः प्रयोगेभ्यः हिताः इति तद्धिताः। (पृष्ठः ४५१ – बृहत् अनुवाद-चन्द्रिका चक्रधर नौटियाल `हंस॑ मोतीलाल बनारसीदास।)
नैर्वाचनिकप्रचारः सम्प्रति परां काष्ठां भजते। (संस्कृतवार्ताः २०१२-०१-२६ सायम्)
अहं मन्ये नैर्वाचनिकः इति निर्वाचनम् इति शब्दात् तद्धितप्रत्ययेन भवति।

२०१२-०१-२९ रविवासरः (2012-01-29 Sunday)

यत् धातुः (yat – to strive)

Himanshu Pota — Sat, 28 Jan 2012 03:10:13 +0000

ह्यः प्रमोदवर्येण यत् इति धातुः प्रयुक्तः। यत् इति भ्वादिगणीयः अत्मनेपदी धातुः अस्ति।
लट्लकार-रूपाणि
यतते यतेते यतन्ते
यतसे यतेथे यतध्वे
यते यतावहे यतामहे
लृट्लकारे यतिष्यते इत्यादयः।
लङ्लकार-रूपाणि
अयतत अयतेताम् अयतन्त
अयतथाः अयतेथाम् अयतध्वम्
अयते अयतावहि अयतामहि
यातकः-तिका, यत्यम्, यत्नः, आयत्तः, आयत्तवान्, यतिः, यतमानः।
यतितव्यम्, यतनीयम्, यत्यम्, यतितुम्, यतयितुम्, यतित्वा, यतयित्वा, प्रयत्य।
ईषच्चेतः, दुश्चेतः, सुचेतः।

२०१२-०१-२८ शनिवासरः (2012-01-28 Saturday)

सांस्कृतिकरिक्थम् (Cultural Inheritance)

Himanshu Pota — Thu, 26 Jan 2012 21:52:35 +0000

२६-०१-२०१२तमस्य गण्तन्त्रदिवसस्य संस्कृतसमाचरे अस्ति भारतस्य समृद्धं वैविध्यपूर्णं सांस्कृतिकरिक्थं प्रस्तोष्यते इति। रिक्थं इति शब्दः उपयोगी शब्दः अस्ति।
रिक्थग्राहम् – inheriting property, रिक्थजातम् – collected estate (of a deceased person), रिक्थभागी – an heir, रिक्थभाक् – an heir.

http://newsonair.nic.in/Text-nsd-Bulletins-schedule.asp

२०१२-०१-२७ शुक्रवासरः (2012-01-27 Friday)

अनुवादः (Translation)

Himanshu Pota — Wed, 25 Jan 2012 22:07:41 +0000

हमें समाज की बुराइयों को दूर करने का यत्न करना चाहिए। (पृष्ठः ४७१ – बृहत् अनुवाद-चन्द्रिका, चक्रधर नौटियाल `हंस॑ मोतीलाल बनारसीदास।)
अस्माभिः समाजस्य दोषाः अपाकर्तुं प्रयत्नं कर्तव्याः।
अपि अयम् अनुवादः समीचीनमस्ति? अस्य अनुवादस्य अन्यान् विकल्पान् अपि कृपया ज्ञापयतु।

२०१२-०१-२६ गुरुवासरः (2012-01-26 Thursday)

शैत्यम् औष्णम् च (Coldness and Warmth)

Himanshu Pota — Wed, 25 Jan 2012 10:08:45 +0000

अद्यत्वे केन्बरानगरे रात्रौ शैत्यम् किन्तु दिवसे औष्णम् अस्ति तस्मात् समयित्वं न भवति।

२०१२-०१-२५ बुधवासरः (2012-01-25 Wednesday)

केनेषितम् (Missioned by Whom)

Himanshu Pota — Tue, 24 Jan 2012 09:56:21 +0000

केनेषितं पतति प्रेषितं मनः। केन प्राणः प्रथमः प्रैति युक्तः।
केनेषितां वाचमिमां वदन्ति। चक्षुः शोत्रं क उ देवो युनक्ति॥केनोपनिषद्.१॥
By whom missioned falls the mind shot to its mark? By whom yoked moves the first life-breath forward on its paths? By whom impelled is this word that men speak? What god set eye and ear to their working? (Translation by Sri Aurobindo)
युज् इति धातुः to join अर्थे प्रयुज्यते किन्तु तस्य अन्यः अर्थः to set to work अपि अस्ति। तस्मिन् अर्थे अत्र युज् इत्यस्य धातोः उपयोगः अस्ति।

२०१२-०१-२४ मङ्गलवासरः (2012-01-24 Tuesday)

नौकाविहारम् (Boating)

Himanshu Pota — Mon, 23 Jan 2012 12:31:13 +0000

अद्य प्रातःकाले आकाशः मेघाच्छादितः आसीत् जलं च वर्षति स्म। तस्मात् वयं निश्चयम् अकुर्म प्रत्यागमिष्यामि यतो हि अत्र किञ्चित् अपि कर्तुं न शक्नुमः इति। किन्तु किञ्चित् अग्रे गत्वा सूर्यदेवस्य दर्शनम् अभवत् तस्मात् वयं परिवर्त्य उमम् (wharf) अगच्छाम। तत्र भाटनौकाम् आदाय समुद्रे नौकाविहाराय अगच्छाम। त्रिहोरापर्यन्तं विहारं कृत्वा सिडनीनगरं प्रति अगच्छाम। तत्र दिव्यांशुः स्वकार्याय अगच्छत्। सिडनीनगरे मीतावर्यायाः दन्तपरीक्षा अभवत् तत् परं वयं केन्बरानगरम् आगच्छाम। इति अवकाशः पूर्णः।

२०१२-०१-२३ सोमवासरः (2012-01-23 Monday)

शीतम् (Cold)

Himanshu Pota — Sun, 22 Jan 2012 12:19:03 +0000

अद्य प्रातःकाले आकाशः मेघाच्छादितः आसीत्। पवनः अपि आसीत् तस्मात् वातावरणं शीतलम् आसीत्। बालकाः जले तरितुं न अशक्नुवन्। वयं सर्वे समुद्रतीरे एव भ्रमणम् अकुर्म। अपराह्णे दिवाकरस्य दर्शनम् अभवत् तदा कन्ये अतरतां दिव्यांशुः तु क्लान्तः आसीत् तस्मात् सः समुद्रतीरे एव अस्वपत्। सायंकाले वर्षाम् अपतत् तस्मात् वयं भाटनिवासे एव अतिष्ठाम।

२०१२-०१-२२ रविवासरः (2012-01-22 Sunday)