सोमवासरे अव्यवसायी ए-बी-सी नाम दूरदर्शन-स्रोते फोर-कोर्नर्स इति नाम सामयिक-कार्यक्रमः दृश्यते। सः कार्यक्रमः रात्रौ सार्ध अष्टवादनात् सपादनववादन-पर्यन्तं दृश्यते। तस्य कार्यक्रमस्य परं मीडीया-वोच इति नाम कार्यक्रमः दृश्यते। तौ कार्यक्रमौ मम प्रियतरौ स्तः। अद्य मया तौ कार्यक्रमौ दृष्टौ। तत् परं अहं किञ्चित् अलसम् अन्वभवं तथा अन्ये व्यवसायिनः स्रोते बोस्टन-लीगल नाम निकृष्टः कार्यक्रमः अपि अपश्यम्। तत् परं रात्रौ सार्धदशवादने अस्वपम्।
२००८-०६-२३ सोमवासरः (2008-06-23 Monday)
